Ба гузориши Садои Хуросон ва бар асоси эъломи Вазорати омӯзиш ва парвариши Ғазза, аз ҳафтуми октябр то 26 декабр тайи ваҳшигарии режими саҳюнисти алайҳи фаластиниён 4 ҳазору 37 донишомӯз ва 209 тан аз коркунони ҳавзаи омӯзиш ҷони худро аз даст додаанд.
Ҳамчунин тайи ҳамин бозаи замонӣ 7 ҳазору 259 донишомӯз ва 619 муаллим дар ҳамалоти ҳавоӣ ва амалиёти заминии неруҳои саҳюнист захмӣ шудаанд.
Мактабҳои 3 минтақаи шаҳри Ғазза, Хон Юнус ва шимоли Ғазза бештарин осебҳоро аз ҳамлаҳои режими саҳюнистӣ дидаанд ба тавре, ки 74 дарсад аз тамоми вайрониҳо дар ин манотиқ рух додааст.
Вазорати омӯзишу парвариши Ғазза ва созмонҳои мардумниҳоди мустақар дар ин борика эълом кардаанд: Исроил 352 мактабро дар Ғазза ҳадафи ҳамлаҳои худ қарор дода ва ба сурати куллӣ ё ҷузъӣ тхриб кардааст. Ба ҳамин далел акнун омӯзиши беш аз 400 ҳазор фаластинӣ, ки 52 дарсад аз онҳо духтар ҳастанд, таҳти таъсир қарор гирифтааст.
Набардҳои шадид байни муқовимати Фаластин ва артиши ишғолгар дар ҳаштоду дувумин рӯз аз ҷанги Ғазза идома дорад. Ба рағми талафоте, ки ишғолгарон дар Ғазза дидаанд ва бо вуҷуди ҳушдорҳои байналмиллалӣ дар бораи афзоиши талафоти ғайринизомиён, режими ишғолгар дар ҳоли ташдиди амалиёти низомии худ дар замин ва ҳаво аст.
342/
